lunes, 5 de octubre de 2015

Sebastianus van Bommel "De Latini sermonis usu in Gymnasiis et Studiorum Universitatibus Batavicis" alloquens


Salvete amici sodalesque!

XI Conventus Cultus Classici.com, quem vocant, cum iamdiu sit absolutus, ecce tamen imagines de ea, quam Sebastianus van Bommel acroasem die undecimo mensis Aprilis a. D. 2015 habuit. 
Quas a me ubi primum sunt acceptae, vobis statim libentissimoque offero animo.




Pancratice omnes valeatis!

viernes, 21 de agosto de 2015

De acroase ad Simiam illam Heidelbergensem


Salvete amici sodalesque!

Venio rursus ad vos idemque haud solus asperque, immo Simia illa Heidelbergensi comitatus idque eo modo quo nihil latius! Quid enim amabilius dulciusve Simia ea, mente ingenioque Michaelis ab Albrecht aliquando ficta, cuius ope virtuteque aerumnae omnes cruciatusque, quibus miseri mortales dum nostram agimus quotidianam vitam exagitari necnon excruciari solemus, et dissolvi et dissipari videantur...?




Quae enim fabula Romanensis, brevissima cum sit, adeo humanam attingit naturam indolemque, coloribus ita vividis hominum animam depingit, festivitatem quandam mordacitatemque teneritati dulcissimae immixtas adhibet, ea gaudet Latinitate, quae haud iniure immo omni gratia meritoque e Valahfridi illius Stroh labris eas aliquando extulerit laudes: Non igitur legistis L. Simii Liberatoris commentarios, opus divinum Michaelis ab Albrecht, grammatici non solum optimi, sed etiam poetae illustrissimi?"

  



Illud autem unum est attendendum, ut hoc pulcherrimum opus vobis commendem legendum. Quod non sine multum usus iucunditatisque feceritis. 

Atque iam, lectores candidi, in proximum valete pancratice!

miércoles, 8 de julio de 2015

Valahfridus ille Stroh quadam in percontatione nonnulla de sua ipsius vita multaque de Latinitate aperiens

Hac taeniola sive pellicula tibi, lector carissime, conspecturo eae continentur rationes sententiaeque, quas haud minimi esse momenti revera credimus:

Qua enim percontatione, quae per fere triginta producitur minuta, Valahfridus ille Stroh, professor iam rude donatus ex Universitate Monacensi idemque adamator Latinitatis  et cultus humanitatisque classicae defensor indefessus eis linguae Latinae naturam eiusque post hominum historiam vicissitudines habitas est commentatus rationibus, quibus sive magister sive discipulus sive studiosus quilibet operam suam Latinitati modo dans modo daturus doctrinam experientiae rerum commixtam depromere valeat, idque mirum in modum!



Quibus de argumentis, ea ad homines in humanitatem informandos necnon ad ipsius humanitatis nostra aetate momentum pertinentia, quis tam rudis haec qui despiciat? At quid de scholasticis rationibus a tanto professore commendatis, quibus adhibitis et magistri et discipuli suavius facilius commodius iucundius ad linguae Latinae doctrinam et usum pervenire possint dicendum sit? 

Quae omnia sale, quo multo semper Valahfridus ille alloquens uti solet, adspersa tibi conspicienda atque sedulo adtendenda, lector suavissime, commendamus.

Valeas in proximum!

sábado, 13 de junio de 2015

De scholis Latinis apud Sedem ad Legionem urbem Romanam interpretandam

Cum septimana proxima exuente Sedem Legionensem ad Urbem nostram, quae ut bene est omnibus notum originem trahit Romanam, interpretandam viserimus, ecce imagines quasdam quibus notitias eius lustrationis temporumque quibus milites Romani hoc Imperii in loco militarunt memoriae mandemus.






Valete omnes in proximum!

jueves, 11 de junio de 2015

De scholis Latinis apud Institutum Biblicum et Orientale

Salvi salvaeque sitis, dulcissimi qui ad nos pervenistis lectores!

Cum mense Maio iam exeunte fere ad scholastici cursus pervenerimus finem, non alienum esse videretur si quid earum quas apud Institutum Biblicum et Orientale praelectiones hoc anno exagitavimus in lucem ederemus.


Ecce ergo schola postrema, quam totam villae Romanae describendae dicavimus.






Cui alias de Familiae Romanae capitulo VII tractantes brevissimas addimus imagines...


martes, 26 de mayo de 2015

De scholis Latinis apud Museum Legionense agitatis

Cum anno praeterito brevem edidissem relationem eius quam una cum discipulis discipulabusque ad Museum Legionense visendum feci excursionem, ecce novam hodie praebeo lustrationem Musei. 

Quae hac occasione non lapides Romanos, quibus nostrum abundat Museum eisque maioris dignitatis momentique, incubuit, sed opus autem musivum aliaque simillima Romana vestigia quibus villa quaedam rustica in oppidulo Quintana del Marco sita eademque fere tota iniuria temporis malignitateque hominum deleta ornabatur petivimus. 



Eo autem consilio eaque mente visitationem fecimus, ut discipuli inter explorandum Museum  interque eorum vestigiorum notitiam accipiendam linguam exercerent Latinam eiusque rationes grammaticas usu exercitationeque facilius commodius fusius et cognoscere et adhibere valeant. Idque iuxta illam sententiam fecimus: quilibet enim Latine quicquam dictum auscultaverit melius id recognoscet intelleget memoriam mandabit.

viernes, 1 de mayo de 2015

De conventu Matritensi mense Augusto proximo celebrando

Salvi sitis salvaeque amici sodalesque omnes!

Quid hodie novi? Intentionem enim brevissimum temporis spatium vestram huc vertatis volo illud considerantes, plurimos apud nos qui linguam Latinam eamque vivam vitalemque exercere velint exstare. Quis ergo negabit? 

Atqui illud plerumque nobis contingere constat, occasiones enim facultatesque sermones Latinos  quoslibet serendi raras immo nullas apud nos offerri quae videantur. 

Hac enim de causa maioris esse credamus momenti inceptum vobis omnibus nuntiandum divulgandumque, cuius praeconium infra aspici potest:


  Caelum nuntium 2015



Qua de conventus futuri materie, ut ita dicam, sive natura notitiam habemus certissimam eam, quam his vobis illustro imaginibus. 
Oportet enim sciatis Georgium illum Tarrega, professorem linguae Latinae apud Valentinam Vniversitatem, cum XI Itineribus Cultus Classici eisque Sexi Firmi Iulii mense Aprili ineunte celebratis intefuisset, a eius conventus moderatoribus rogatum, brevem habuisse acroasim, qua et scopum et rationes huius Cursus Aestivi Latinitatis Vivae Matritensis habendas aperuit explanavitque idque, ut solet, dissertissime soloque Latino sermone adhibito.




Quid aliud? Unum autem tantum restat, ut Latinitatis amore ardentes cum sitis, nomina detis vestra atque Matritum et praelectiones auscultandi et colloquia Latina constituendi perplurima  studiosi advoletis! Quibus enim de rebus pretium multum, ut verbis Georgii postremis utar, operae fore ei qui iam annis superioribus cursus participarunt declarant testes.

Valete omnes pancratice!